諗緊中秋去邊好 ? 大學生中秋好去處懶人包2023 (下篇)

睇完上篇覺得唔夠喉想知道仲有咩地方去？而家仲有下篇話俾你知中秋節有咩好去處！Bookmark 定到時就唔驚冇地方去啦！😆

中秋好去處2023｜1.赤柱美利樓「尋月・覓光」中秋市集

TryMart同香港手寫歌詞page @listen_n_feel聯乘舉辦「尋月・覓光｜中秋市集」，希望透過手寫文字喺呢個中秋給大家帶來溫暖。美利樓將會搖身一變掛滿燈籠，成為「燈燈燈籠打卡位」，俾大家影靚相！除此之外，入場人士將會得到燈籠一個，可以俾大家發揮自己嘅小宇宙，設計一個屬於自己嘅靚靚燈籠！有寵物嘅你亦可以帶埋寵物一齊shopping，團團圓圓，共度佳節！又可以玩又可以打卡，絕對係中秋好去處！

（圖片來源：IG@trymart.hk）

赤柱美利樓「尋月・覓光」中秋市集

日期：29/9/2023 – 2/10/2023

時間：13:00-19:00

地點：赤柱美利樓地下Shop 02

中秋好去處2023｜2.饒宗頤文化館中秋花燈粵圓夜市集

饒宗頤文化館同LIFE MART 今年繼續合作舉辦大型中秋手作市集活動，喺中秋一輪明月下，有大約140攤本地手作品牌同你吹著夜風，齊齊於市集中感受手作藝術！

加上係饒宗頤文化館開放日，今次都會舉辦多項活動，包括「第一屆饒館花燈節」、粵語日夜展覽、水燈許願池、特色工作坊等……還有巨大化嘅THE WEIRD THINGS 角色！

（圖片來源：IG@the.weird.things）

饒宗頤文化館中秋花燈粵圓夜市集

日期：2023年 9月29日-10月2日 (共4天)

時間：4-10pm (29/9), 1-8pm (30/9-1/10), 1-7pm (2/10)

地點：美孚青山道800號 饒宗頤文化館 (中區 及 下區) (室內 + 戶外市集攤檔)

中秋好去處2023｜3.中秋More「天輪」樂市集

中秋節最緊要係ENJOY天倫之樂，有咩貼切得過係摩天輪下享受天倫樂呢。今次中秋More天倫樂嘉年華會有市集區及中秋熟食區。屆時仲會有花燈會、中秋特式攤位遊戲、 漢服或旗袍打卡區、音樂會等，吸引不同界別朋友入場！即刻約埋家人朋友一齊賞月追月！

（圖片來源：AIA）

中秋More「天輪」樂市集

日期：2023年9月29日-10月2日 時間：15:00-22:00

地點：香港摩天輪 AIA VITALITY PARK

地址：香港中環民光街33號

中秋好去處2023｜4. 上海街618、YM² 裕民坊「我們的時光機」 懷舊中秋市集

今年中秋節，砂丘企劃大玩香港本土情懷，分別喺618上海街及YM² 裕民坊舉行「我們的時光機」懷舊中秋市集，以香港八九十年代為主題，除咗設有手作攤位，更有特色佈置及懷舊展覽。

Tiny微影仲會帶同「微．好時光」系列微縮模型同其他充滿香港色彩嘅產品，最新嘅Tiny微影扭蛋機仲將舊時香港呈現俾公眾，俾大家感受香港舊日足跡。

（圖片來源： 砂丘企劃）

《砂丘企劃 x “我們的時光機“懷舊中秋市集@618上海街 》

日期：2023年9月22至24日 一連三天

時間：下午1時至晚上8時

地點 : 旺角上海街618號地下活動空間

中秋好去處2023｜5.如心廣場 X HKCAMP「秋月露營節」

適逢九月中秋佳節，由9月22日至10月8日，華懋集團嘅旗艦商場如心廣場聯乘全港最大露營資訊平台HKCAMP，打造首個「秋月露營節」，舉辦露營文化結合秋日賞月活動，仲有連串工作坊同「營」友互動交流活動！

（圖片來源：華懋集團）

如心廣場 X HKCAMP

日期：9月22日至10月8日

地址: 荃灣楊屋道 8 號

想知今年仲有咩中秋好去處 ? 可以睇埋我哋中秋好去處懶人包嘅上篇！

睇完Blog仲可以參加【月餅節猜燈謎】！我哋準備咗三條燈謎俾你估，答啱哂嘅隨時有機會贏到人氣望月四式月餅！即刻撳入呢度報名！

資料來源：sundaykiss