【DIY都有得外賣?】上次嘅DIY便利店好多朋友仔都話唔夠喉，好多材料包想買但奈何部分已經售罄晒😯放心，我哋聽到你嘅訴求！今次我哋正式開放「DIY外賣店」🤩，仲火速補貨，有超過10款材料包俾大家買返屋企慢慢整！至於最受歡迎嘅AirPods皮革保護套、花花鉤織手機繩同復古皮革卡套都補左貨啦為左答謝大家嘅支持，部分材料包會以優惠價發售，上次２月嚟左參加嘅會員仲有折上折添！！

雖然外賣店就唔會好似上次咁有工作人員現場教你整，但每款材料包都有詳細嘅電子版教學，即使係新手嘅你都可以舒服地坐喺我哋外賣店Cafe或喺屋企享受DIY嘅樂趣！🥡⏳ 無論係想氹自己開心、抑或想俾個驚喜閨密或另一半，整手作一定係最特別同最有心思嘅選擇喇

手作材料包包括: AirPods皮革保護套 | 花花鉤織手機繩 | 復古皮革卡套 | 唯美/可愛小豬永生花 | 情侶心心鎖匙扣 | 漸變色編織手繩 | 綁帶皮革收納包 | 皮革三角散紙包 | 精緻浮游花擺設 | 手作耳環 | 名畫主題鎖匙扣 | 捕夢網

即刻報名參加過黎買外賣啦~

⭐️【活動詳情】⭐️

DIY外賣店🏪 

開放日期及時間：

4月27日 (星期四) 2:00pm-5:00pm

4月28日 (星期五) 2:00pm-5:00pm

4月29日 (星期六) 3:00pm-5:00pm**最新加開
＊於開放時間內隨時嚟選購即可！買完就走得，方便又快捷！

地點：紅磡蕪湖街83號, Y83 1/F Cafe

報名費用：$30 (送一款$30材料包，其餘手作材料包另外收費) ＊所有材料包３折後只需$100以下，好抵呀！🤩

如果買完嘢想坐喺我哋Cafe慢慢整都得，我地仲送「堂食者」一包紙包飲品同小零食添！不過Cafe座位有限，先到先坐架～

活動不設退款。網上報名及現場購買材料包均只接受電子支付。

曾參加2月的DIY便利店之會員將會有額外95折優惠，需於活動當日出示證明。