等你投稿第一彈 - 召喚景點試伏師！ - Y.X Community | Y.X Community - a collaborative network to enhance student wellbeing

Description

捱完個疫情，個個香港人都報復式出走，一開IG就見到大堆旅行相！由買機票、計劃行程、上機、到達目的地……同旅行有關嘅每一步都令人心動！不過有時期望越大，失望越大，做唔足功課去到景點，可能先發現個景點吹大咗！你又有冇咁嘅經歷，搞到去旅行好谷氣？咁就要向我哋投稿啦！

只要提交一張你去過最伏景點嘅相，最多人有共鳴嘅投稿就可以贏得【復古滾軸溜冰 + 疏筋解穴按摩套餐 – 2人份】或【陶器拉坯 + 香港美利酒店Garden Lounge下午茶 – 2人份】或【香港海洋公園門票 – 2人份】三選一。想試吓踩Roller，做完運動再按摩鬆一鬆又可以；做文青玩拉坯，再食個靚靚tea又得；或者做一日大細路，狂玩機動遊戲亦得！三種體驗俾你簡，保證好玩、絕對唔伏！

參加方法︰

是次活動對象只限大專/大學生

1. 按【Join】，提交一張你去過最伏景點嘅相。

2. Y.X Community團隊會挑選出四個入圍投稿，並於IG story進行全民投票！

3. 最多人投票支持（即最多人有共鳴嘅）一張相獲勝！

4. 將於6月在IG story 公布得獎者。

*Y.X Community 保留最終決定權

景點投稿示意圖：