Y.X Community 會喺12月23-26日一連4日喺荔枝角D2 place ONE嘅聖誕市集內搭建🌟聖誕願望成真萬事屋🌟，大派「聖誕禮襪」俾各位會員！

到場嘅會員將獲贈一隻儀式感滿滿嘅聖誕禮襪🧦，入面仲裝滿印有盞鬼/警世金句嘅Macbook貼紙、行李箱貼（一pack 10張）同迷你明信片（一pack 2張）😜「聖誕禮襪」數量有限，網上預先報名就可以確保當日到場有禮物拎喇！即刻撳「參加」預留禮物！

雖然聖誕禮襪淨係得我哋親愛嘅大學生會員先有，但任何人到場都無任歡迎架！你可以喺願望成真牆💬同fd子/男神女神一齊許個靚願🌠，想聖誕不再毒自一人？Killer 絕緣？過三爆四💯？求靚OFFER？定係最想早日退休？只要你誠心許願，聖誕angel都會保佑你👼🏻！

萬事屋入面更設有玩味十足嘅LED霓虹燈牌✨兼selfie一流嘅魔鏡俾你同閨蜜/另一半盡情打卡📷，仲有2米超巨型熊啤啤🧸俾你攬住任影，sweet到漏！小編另外私心推介創意爆燈嘅重組句子祈願板🌈，幾十組字俾你任砌任拼，願望隨你設計🔮！

活動當日D2 place市集係免費開放，下午1-8時都可以入場！但想要禮物嘅會員就記得預先登記喇！☝️

Merry Christmas🎄！到時見！

聖誕禮襪裡面有D咩？劇透少少俾你知！

「聖誕禮襪」包括一隻可愛聖誕襪仔，裡面附送 一pack 10張嘅行李箱貼紙及 2張迷你名信片：

10張貼紙款式 –

• 摺拉勿擾​
• Free rider退散​
• 過三爆四​
• Killer絕緣體​
• Anti- Chur友​
• Grant loan苦主​
• add drop聖手​
• 靚grade常在​
• 長駐癲list​
• Deadline勇者

2張迷你名信片款式 –

• Free Rider自己揀 __ __唔好喊​
• 上莊才是正經事​

除左有盞鬼禮物送，聖誕願望成真萬事屋裡面仲有特色打卡位！

條款及細則：

1. 「聖誕禮襪」套裝只限Y.X Community之大學生會員才可免費獲贈，禮品數量有限，如想確保可於市集期間獲得禮物，請先於此網頁上按「參加」預留。
2. 換領禮物時，Y.X Community職員或會要求換領者出示大學生身分證明，如學生證或學生電郵。
3. 如有任何爭議，Y.X Community保留最終決定權。