諗緊中秋去邊好 ? 大學生中秋好去處懶人包2023 (上篇)

今年中秋會喺9月29日（星期五），可以有翻個Happy Friday玩通頂！中秋節作為慶祝團圓嘅節日，大家又諗好去邊度玩未？

中秋節除了賞月賞燈、吃月餅、猜燈謎之外，更加有不少打卡活動及景點，包括中秋花燈會、市集、工作坊、商場、展覽等。而家為你整合咗多個今年中秋嘅好去處，俾大家一齊歡度佳節，亦祝大家中秋節快樂 ！

中秋好去處2023｜1.尖沙咀誠品書店中秋工作坊

尖沙咀誠品書店推出咗4大中秋工作坊，俾大家可以感受中秋佳節嘅節日氣氛。大家可以親自製作獨一無二的手工燈籠、蠟燭，同Q到爆嘅兔仔月餅！可以喺呢個充滿溫馨和喜悅嘅節日締造難忘回憶！

（圖片來源：誠品書店）

中秋好去處2023｜2.海洋公園中秋嘉年華賞月

今年9月29及30日，星河科研社再度同海洋公園合作舉辦中秋嘉年華「海洋賞月夜」！活動內容相當豐富，除咗可以喺海洋公園邊感受嘉年華氣氛邊賞月，仲可以製作環保燈籠、紙筒望遠鏡、星空投影儀，仲可以透過夜遊海洋奇觀，同天文望遠鏡夜空探秘環節，學習天文知識，寓學習於娛樂！

（圖片來源：星河科研社 Galaxy Scientific Group）

中秋好去處2023｜3.利東街「躍兔 ‧ 迎月」戶外綵燈會

利東街多年嚟一直都係香港市民慶祝節日嘅熱門地點。由即日至10月23日到訪「躍兔 ‧ 迎月」戶外綵燈會，超過800個中式燈籠將會懸掛喺約200米長嘅道路上，當中仲首度加入特色燈籠如好似玉兔、金魚、楊桃！絕對會係打卡嘅好地方！

（圖片來源：利東街）

中秋好去處2023｜4.屯門市廣場 GUDETAMA 10th Anniversary梳乎中秋市集

今年9月8日至9 月29日中秋節期間，將聯乘資深本地主題市集主辦者「盛薈Circus Media」，邀請誕生十週年又鬆又萌嘅「chill級角色」GUDETAMA（梳乎蛋）呈獻「GUDETAMA 10th Anniversary梳乎蛋中秋市集Circus Media @ tmtplaza」。接近2米高的梳乎蛋巨型月亮，將會降臨屯門市廣場1樓中央廣場，場內亦將會擺設超過1米高的「巨型梳乎蛋造型燈籠」以及由20個發光造型小燈籠組成的燈籠牆，送上滿滿嘅中秋節祝福。更加有限定店發售多款梳乎蛋精品，包括十周年限定有耳杯﹑梳乎蛋水樽、餐具套裝、各式文具、鎖匙扣等精緻小物。

（圖片來源：屯門市廣場）

UDETAMA 10th Anniversary梳乎中秋市集Circus Media @ tmtplaza

活動日期：2023年9月8日(星期五) 至9月29日(星期五)

活動時間：上午11時至晚上9時

活動地點：屯門市廣場1樓中央廣場

中秋好去處2023｜5.海港城「月之色」工作坊

今年中秋可以先嚟海港城率先賞月，更加可以參加「月之色」工作坊放題，喺3小時內任玩多個各有特色嘅創意手作工作坊，由時裝、配飾、家品、自然護膚等，都係環繞月之色主題，俾你製作最鍾意的月亮色彩！每個工作坊都係由本地獨立品牌設計師打造，俾你與設計師交流手藝，仲可以即場完成你嘅原創設計！

（圖片來源：海港城）

海港城「月之色」工作坊

日期及時間：

2023年9月15日（星期五）3:00-6:00pm

2023年9月16日（星期六）12:00-3:00pm、4:00-7:00pm

2023年9月17日（星期日）12:00-3:00pm、4:00-7:00pm

票價：每人 $490 早鳥優惠：每人$450（優惠期至9月3日） 地點：海港城海運大廈地下中庭

資料來源：sundaykiss

想知今年仲有咩中秋好去處 ? 咁就記得留意我哋中秋好去處懶人包嘅下篇喇～

睇完Blog仲可以參加【月餅節猜燈謎】！我哋準備咗三條燈謎俾你估，答啱哂嘅隨時有機會贏到人氣望月四式月餅！即刻撳入呢度報名！